На 08 мај на Економскиот факултет во Прилеп се одржа натпревар од областа на циркуларната економија за учениците од средните општински училишта од Пелагонискиот регион. На наше задоволство имаше огромен интерес за овој настан. Имено, на натпреварот учествуваа 22 тимови, односно 88 ученици од средните училишта. На победничкиот тим, учениците од СОУ “Ѓорче Петров” – Прилеп под менторство на проф. Христина Петковска Димеска, му беше доделена награда во износ од 10.000 денари. Покрај наградата од Економскиот факултет-Прилеп, на учесниците од победничкиот тим им беа врачени и ваучери од Пакомак во вредност од по 2000 денари за секој учесник, односно вкупната награда за тимот е во вредност од 10.000 денари.
Благодарност до сите учесници на овој натпревар, се надеваме на уште многу вакви заеднички успеси.
